ᐃᑲᔪᖅᓱᐃᓂᖅ ᓄᓇᓕᖕᒥᑦ ᐱᕙᓪᓕᐊᔪᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥ ᓄᓇᕗᓕᒫᒥ
ᓄᓇᕗᑦ ᓄᓇᓖᑦ ᓯᕗᓂᒃᓴᖏᑕ ᑲᑐᔾᔨᖃᑎᒌᖏᑦ ᑲᑎᑎᑦᑎᔪᖅ ᐊᕕᒃᑐᖅᓯᒪᔪᓂ ᓄᓇᓕᖕᓂ ᓯᕗᓂᒃᓴᓐᓄᑦ ᑲᑐᔾᔨᖃᑎᒌᓂᑦ ᐃᑲᔪᖅᓱᐃᖁᓪᓗᒋᑦ ᓄᓇᓕᖕᓂ ᓇᖕᒥᓂᐅᔪᑦ, ᓇᖕᒥᓂᖃᖅᑏᑦ, ᐊᒻᒪᓗ ᓄᓇᓕᖕᓂ ᓄᓇᕗᓕᒫᒥ.
ᐱᓇᓱᐊᖅᑕᕗᑦ
ᐱᐅᓯᕚᓪᓕᖅᑎᓐᓇᓱᒡᓗᒍ, ᐃᑲᔪᖅᓱᕋᓱᒡᓗᒍ, ᐊᒻᒪᓗ ᓴᙱᒃᑎᓐᓇᓱᒡᓗᒍ ᓄᓇᕗᒻᒥ ᓄᓇᓖᑦ ᓯᕗᓂᒃᓴᖏᓐᓄᑦ ᑲᑐᔾᔨᖃᑎᒌᑦ ᓯᕗᒻᒧᒋᐊᕈᓐᓇᕐᓂᐊᕐᒪᑕ ᓄᓇᓕᖕᓂ ᐱᕙᓕᐊᔪᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥ ᒥᑭᑦᑐᑎᒍᑦ ᐊᒻᒪᓗ ᕿᑎᕋᖅᑐᑎᒍᑦ ᓇᖕᒥᓂᐅᔪᓂ ᐱᕈᖅᐸᓪᓕᐊᓂᕐᒥ.
ᑕᐅᑐᙳᐊᖅᑕᕗᑦ
ᓴᙱᔫᔪᑦ, ᓇᖕᒥᓂᖅᓱᖅᑐᑦ ᓄᓇᓖᑦ ᓄᓇᕗᓕᒫᒥ ᓄᓇᓕᖕᓂ ᓇᖕᒥᓂᐅᔪᑦ ᒪᑭᒪᓪᓗᑎᒃ ᐊᒻᒪᓗ ᐊᓐᓇᐅᒪᔪᓐᓇᖅᑐᒥ ᐱᕙᓪᓕᐊᔪᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥ ᐱᕕᒃᓴᐅᔪᓂᑦ.
ᑭᓇᒃᑯᑦ ᐱᔨᔅᓯᕋᖅᑕᕗᑦ
ᓄᓇᕗᑦ ᓄᓇᓖᑦ ᓯᕗᓂᒃᓴᖏᑕ ᑲᑐᔾᔨᖃᑎᒌᖏᑦ (NCFA) ᓴᖅᑭᑕᐅᓚᐅᖅᓯᒪᔪᖅ 2007−ᒥ ᑲᑎᑎᑦᑎᖁᓪᓗᒍ ᐱᖓᓲᔪᓂ ᓄᓇᓕᖕᓂ ᓯᕗᓂᒃᓴᖏᓐᓄᑦ ᑲᑐᔾᔨᖃᑎᒌᖏᓐᓂ ᓄᓇᕗᒻᒥ ᐱᔨᔅᓯᕋᖅᑐᓂ:
ᑲᑎᖦᖢᒋᑦ, ᑖᒃᑯᐊ ᑲᑐᔾᔨᖃᑎᒌᑦ ᐃᑲᔪᖅᓱᐃᔪᑦ ᒥᑭᑦᑐᓂ ᐊᒻᒪᓗ ᕿᑎᕋᖅᑐᓂ−ᐊᖏᓂᖃᖅᑐᓂ ᓇᖕᒥᓂᐅᔪᓂ, ᓇᖕᒥᓂᖃᖅᑐᓂ, ᐊᒻᒪᓗ ᓄᓇᓕᖕᓂ ᐱᒋᐊᖅᑕᐅᔪᓂ ᓄᓇᕗᓕᒫᒥ.
ᐃᓚᔭᐅᓪᓗᓂ ᐊᖏᓂᖅᓴᐅᔪᒥ ᑲᑎᙵᔪᓂ ᓄᓇᓕᖕᓂ ᓯᕗᓂᒃᓴᖏᓐᓄᑦ ᑲᑐᔾᔨᖃᑎᒌᓂ ᑲᓇᑕᒥ, ᓄᓇᕗᑦ ᓄᓇᓖᑦ ᓯᕗᓂᒃᓴᖏᑕ ᑲᑐᔾᔨᖃᑎᒌᖏᑦ ᐃᑲᔪᖃᑕᐅᖃᑦᑕᖅᑐᖅ ᐊᑯᓂᐅᔪᒥ−ᐱᓕᕆᓂᖃᖅᑐᒥ, ᓄᓇᓕᖕᓂᑦ−ᑐᙵᕕᑎᒍᑦ ᑐᕌᒐᕆᔭᐅᔪᖅ ᐱᕙᓪᓕᐊᔪᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥ−ᓄᓇᓕᖕᒥᐅᑦ ᖃᐅᔨᒪᔭᖏᓐᓂ, ᐃᓚᒌᖕᓂᖏᓐᓂ, ᐊᒻᒪᓗ ᓯᕗᓪᓕᐅᑎᑕᐅᔪᓂ ᑐᙵᓂᖃᖅᖢᓂ.
ᐊᕕᒃᑐᖅᓯᒪᔪᓂ ᐱᓕᕆᖃᑎᒋᔭᕗᑦ
ᓄᓇᕗᑦ ᓄᓇᓖᑦ ᓯᕗᓂᒃᓴᖏᑕ ᑲᑐᔾᔨᖃᑎᒌᖏᑦ ᓴᓇᖃᑎᖃᑦᑎᐊᖅᑐᖅ ᐱᖓᓱᓂᑦ ᐊᕕᒃᑐᖅᓯᒪᔪᓂᑦ ᑲᑐᔾᔨᖃᑎᒌᓂᑦ ᐱᓕᕆᐊᖑᔪᓂᑦ ᐊᒻᒪᓗ ᐱᔨᔅᓯᕋᕐᓂᐅᔪᓂᑦ ᐱᓕᕆᖃᑦᑕᖅᑐᓂ ᓄᓇᓕᖕᓄᑦ ᑐᕌᖓᑲᐅᑎᒋᔪᓄᑦ ᓄᓇᕗᓕᒫᒥ.
ᕿᑎᖅᒥᐅᓂ ᓄᓇᓕᒃᓂ ᓯᕗᓂᒃᓴᒧᑦ ᐃᒃᒥᒎᕐᑐᑦ (KCFI)
ᐊᐅᓚᓯᒪᓪᓗᓂ ᑕᐃᒪᙵᓂ 2006−ᒥ, ᕿᑎᖅᒥᐅᓂ ᓄᓇᓕᒃᓂ ᓯᕗᓂᒃᓴᒧᑦ ᐃᒃᒥᒎᕐᑐᑦ ᐃᑲᔪᖅᓱᐃᕙᒃᑐᖅ ᓇᖕᒥᓂᐅᔪᓂᑦ ᐱᕙᓪᓕᐊᑎᑦᑎᓂᕐᒥ ᕿᑎᕐᒥᐅᑦ ᐊᕕᒃᑐᖅᓯᒪᔪᒥ ᐊᑐᖅᑐᐊᕐᓂᑎᒍᑦ, ᐃᓕᓐᓂᐊᖅᑎᑦᑎᓂᑎᒍᑦ, ᐊᒻᒪᓗ ᐅᖃᐅᔾᔪᖅᓱᐃᓂᕐᒥ ᐱᔨᔅᓯᕋᕐᓂᑎᒍᑦ ᓄᓇᓕᖕᒥᐅᑕᓄᑦ ᑐᕌᖓᔪᑎᒍᑦ.
ᐅᐸᒍᒃ ᕿᑎᖅᒥᐅᓂ ᓄᓇᓕᒃᓂ ᓯᕗᓂᒃᓴᒧᑦ ᐃᒃᒥᒎᕐᑐᑦ ᐃᑭᐊᖅᑭᕕᖓᑭᕙᓪᓕᕐᒥ ᓇᖕᒥᓂᖃᖅᑐᓄᑦ ᐱᕙᓪᓕᐊᔪᓕᕆᔨᒃᑯᑦ (KBDC)
ᑭᕙᓪᓕᕐᒥ ᐊᕕᒃᑐᖅᓯᒪᔪᒥ ᐱᔨᔅᓯᕋᖅᖢᓂ, ᑭᕙᓪᓕᕐᒥ ᓇᖕᒥᓂᖃᖅᑐᓄᑦ ᐱᕙᓪᓕᐊᔪᓕᕆᔨᒃᑯᑦ ᐱᑎᑦᑎᕙᒃᑐᖅ ᓇᖕᒥᓂᐅᔪᓄᑦ ᑮᓇᐅᔭᓕᕆᓂᕐᒥ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᐃᑲᔪᖅᓱᐃᓂᕐᒥ, ᑐᕌᒐᕆᔭᖓ ᓄᑖᙳᕆᐊᖅᓯᒪᓪᓗᓂ ᑭᕙᓪᓕᕐᒥ ᐱᕙᓪᓕᐊᔪᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᕈᖅᐸᓪᓕᐊᑎᑦᑎᓂᕐᒥ.
ᐅᐸᒍᒃ ᑭᕙᓪᓕᕐᒥ ᓇᖕᒥᓂᖃᖅᑐᓄᑦ ᐱᕙᓪᓕᐊᔪᓕᕆᔨᒃᑯᑦ ᐃᑭᐊᖅᑭᕕᖓᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᑦ (BBDC)
ᕿᑭᖅᑕᓂ ᐊᕕᒃᑐᖅᓯᒪᔪᒥ ᐱᔨᔅᓯᕋᖅᖢᓂ ᑕᐃᒪᙵᓂ 1991−ᒥ, ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᑦ ᐱᑎᑦᑎᕙᒃᑐᖅ ᑮᓇᐅᔭᓕᕆᓂᕐᒥ, ᓇᖕᒥᓂᕐᒧᑦ ᐃᑲᔫᑎᒃᓴᓂᑦ, ᐊᒻᒪᓗ ᐅᖃᐅᔾᔪᖅᓱᐃᓂᕐᒧᑦ ᐱᔨᔅᓯᕋᕐᓂᕐᒥ ᓇᖕᒥᓂᖃᖅᑎᐅᔪᓄᑦ 13−ᓂ ᓄᓇᓕᖕᓂ.
ᐅᐸᒍᒃ ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᑦ ᐃᑭᐊᖅᑭᕕᖓ
ᖃᓄᐃᓕᐅᖅᐸᖕᒪᖔᑦᑕ
ᓄᓇᕗᑦ ᓄᓇᓖᑦ ᓯᕗᓂᒃᓴᖏᑕ ᑲᑐᔾᔨᖃᑎᒌᖏᑦ ᓴᙱᒃᑎᒋᐊᖅᑎᑦᑎᔪᖅ ᐱᓕᕆᖃᑎᒌᖕᓂᕐᒥ ᐊᒻᒪᓗ ᐊᐅᓚᑦᑎᓂᕐᒥ ᓄᓇᕘᑉ ᐊᕕᒃᑐᖅᓯᒪᔪᖏᓐᓂ ᓄᓇᓕᖕᓂ ᓯᕗᓂᒃᓴᖏᓐᓄᑦ ᑲᑐᔾᔨᖃᑎᒌᖏᓐᓂ.
ᐱᓕᕆᖃᑎᒌᒃᑐᒍᑦ ᐃᒪᐃᓕᐅᕋᓱᒃᑕ:
ᓴᐳᓐᓂᐊᕐᓗᑕ ᓄᓇᓕᖕᓂᑦ−ᑐᙵᕕᐅᔪᒥ ᐱᕙᓪᓕᐊᔪᓕᕆᕐᒧᑦ ᐱᕙᓪᓕᐊᑎᑦᑎᓂᕐᒥ
ᐃᑲᔪᖅᓱᐃᓗᑕ ᐃᓕᓐᓂᐊᕐᓂᕐᒥ ᐊᒻᒪᓗ ᓴᓇᔨᒻᒪᕆᖕᓂ ᐱᕙᓪᓕᐊᑎᑦᑎᓂᕐᒥ
ᐊᐅᓚᑦᑎᓗᑕ ᐱᓕᕆᑦᑎᐊᖅᑐᒥ ᐊᒻᒪᓗ ᐊᑭᒋᔭᐅᔪᓂᑦ−ᐊᑐᑦᑎᐊᖅᑐᓂᑦ ᐊᐅᓚᑦᑎᓂᐅᔪᓂ
ᑐᓴᐅᒪᖃᑎᒌᒡᓗᑕ ᖃᐅᔨᒪᓂᕐᒥ, ᓴᓇᕐᕈᑎᓂ, ᐊᒻᒪᓗ ᐱᐅᓂᖅᐹᓂ ᐱᓕᕆᔾᔪᓯᕐᓂ
ᐱᐅᓯᑎᓪᓗᒍ ᑮᓇᐅᔭᒃᓴᓂ ᐊᒻᒪᓗ ᐊᑐᖅᑕᐅᔪᓐᓇᖅᑐᓂ ᐱᔪᓐᓇᖅᓯᓂᖅ
ᓴᓇᓂᕆᔭᕗᑦ ᐃᑲᔪᖅᑐᖅ ᖃᐅᔨᒪᑎᑦᑎᓂᕐᒥ ᓄᓇᓕᖕᓂ ᓄᓇᕗᓕᒫᒥ ᐱᔪᓐᓇᕐᓂᖏᓐᓂ ᐃᑲᔪᖅᓱᐃᓂᕐᒥ ᐱᔭᕆᐊᖃᖅᑕᖏᓐᓂ ᒪᑭᑎᑦᑎᓂᕐᒥ ᓴᙱᔪᒥ, ᒪᑭᑕᔪᓐᓇᖅᑐᒥ ᓄᓇᓕᖕᓂ ᐱᕙᓪᓕᐊᔪᓕᕆᓂᐅᔪᓂ.
ᑲᑐᔾᔨᖃᑎᒌᑦ
ᓄᓇᕗᑦ ᓄᓇᓖᑦ ᓯᕗᓂᒃᓴᖏᑕ ᑲᑐᔾᔨᖃᑎᒌᖏᑦ ᐃᓚᒋᔭᐅᔪᖅ ᐊᖏᓂᖅᓴᐅᔪᒥ ᑲᑎᙵᔪᓂᑦ ᑲᑐᔾᔨᖃᑎᒌᓂᑦ ᐃᑲᔪᖅᓱᐃᕙᒃᑐᓂ ᓄᓇᓕᖕᓂ ᐱᕙᓪᓕᐊᔪᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥ, ᓄᓇᖃᖅᑳᖅᓯᒪᔪᓂ ᓇᖕᒥᓂᖃᖅᑐᓂ, ᐊᒻᒪᓗ ᓇᖕᒥᓂᐅᔪᓂ ᐱᕈᖅᐸᓪᓕᐊᓂᕐᒥ ᑲᓇᑕᓕᒫᒥ.
ᑲᑎᙵᔪᒍᑦ ᓄᓇᓕᖕᓂ ᓯᕗᓂᒃᓴᖏᓐᓄᑦ ᑲᑎᙵᔪᓂᑦ ᑲᓇᑕᒥ, ᑲᓇᑕᓕᒫᒥ ᑲᑎᙵᔫᔪᑦ 267−ᓂ ᓄᓇᓕᖕᓂ ᓯᕗᓂᒃᓴᖏᓐᓄᑦ ᑲᑐᔾᔨᖃᑎᒌᖑᓪᓗᑎᒃ ᖃᐅᔨᓴᓂᕐᒥ ᑐᓴᐅᒪᖃᑎᒌᒃᑐᑦ, ᐱᓕᕆᖃᑎᒌᖕᓂᕐᒥ ᓴᙱᒃᑎᒋᐊᖅᑎᑦᑎᓂᕐᒥ, ᐊᒻᒪᓗ ᓴᐳᓐᓂᐊᖅᑐᑦ ᓯᓚᑖᓂᕐᒥᐅᑕᓂ ᐊᒻᒪᓗ ᐅᐸᒃᑕᐅᒐᔪᖏᑦᑐᒥᐅᑕᐃᑦ ᐱᕙᓪᓕᐊᔪᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥ ᑲᓇᑕᓕᒫᒥ.
ᐊᕕᒃᑐᖅᓯᒪᔪᓂ ᐃᓚᒋᔭᐅᔪᖁᑎᒋᔭᕗᑦ ᑲᑐᔾᔨᖃᑎᒌᖑᔪᑦ ᐃᓕᓴᕆᔭᐅᓯᒪᔪᑦᑕᐅᖅ ᓄᓇᖃᖅᑳᖅᑐᑦ ᑮᓇᐅᔭᓕᕆᓂᕐᒧᑦ ᐱᓕᕆᕝᕕᐅᔪᒥ (IFI−ᖑᔪᑦ) ᐊᒻᒪᓗ ᐃᓚᒋᔭᐅᓪᓗᑎᒃ ᑲᓇᑕᓕᒫᒥ ᓄᓇᖃᖅᑳᖅᓯᒪᔪᑦ ᐊᖏᔪᓅᖅᑐᑦ ᑯᐊᐳᕇᓴᓂ ᑲᑐᔾᔨᖃᑎᒌᖑᔪᓂ (NACCA), ᑲᑎᙵᔫᔪᑦ 50 ᐅᖓᑖᓂ ᓄᓇᖃᖅᑳᖅᑐᑦ ᑮᓇᐅᔭᓕᕆᓂᕐᒧᑦ ᐱᓕᕆᕝᕕᐅᔪᑦ ᑲᓇᑕᓕᒫᒥ.
ᑲᓇᑕᓕᒫᒥ ᓄᓇᖃᖅᑳᖅᓯᒪᔪᑦ ᐊᖏᔪᓅᖅᑐᑦ ᑯᐊᐳᕇᓴᑦ ᑲᑐᔾᔨᖃᑎᒌᖑᔪᑦ ᐊᖅᑯᑎᒋᓪᓗᒍ, ᓄᓇᖃᖅᑳᖅᓯᒪᔪᑦ ᓇᖕᒥᓂᐅᔪᑦ ᐊᒻᒪᓗ ᓇᖕᒥᓂᖃᖅᑎᐅᔪᑦ ᓴᙱᔪᒥᑦ ᓂᐱᖃᖅᑐᑦ ᑲᓇᑕᓕᒫᖅ ᖁᓕᕇᖓᓂ. ᑲᓇᑕᓕᒫᒥ ᓄᓇᖃᖅᑳᖅᓯᒪᔪᑦ ᐊᖏᔪᓅᖅᑐᑦ ᑯᐊᐳᕇᓴᑦ ᑲᑐᔾᔨᖃᑎᒌᖑᔪᑦ ᓴᐳᓐᓂᐊᖃᑦᑕᖅᑐᖅ ᓄᓇᖃᖅᑳᖅᓯᒪᔪᓂ ᐱᕙᓪᓕᐊᔪᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥ, ᓴᓇᖃᑎᖃᖅᖢᓂ ᒐᕙᒪᑐᖃᒃᑯᓐᓂ ᐱᐅᓯᑎᑦᑎᓇᓱᖕᓂᕐᒥ ᐱᔪᓐᓇᕐᓂᕐᒥ ᑮᓇᐅᔭᒃᓴᓂ ᐊᒻᒪᓗ ᐊᑐᖅᑕᐅᔪᓐᓇᖅᑐᓂ, ᐊᒻᒪᓗ ᓄᓇᖃᖅᑳᖅᓯᒪᔪᓄᑦ−ᓯᕗᓕᖅᑕᐅᔪᓂᑦ ᓇᖕᒥᓂᐅᔪᓄᑦ ᐃᑲᔫᑎᒃᓴᓂ ᐱᕈᖅᐸᓪᓕᐊᓂᕐᒧᑦ ᑲᓇᑕᓕᒫᒥ.
ᐃᓚᒋᔭᐅᓂᖅ ᐱᑎᑦᑎᔪᓐᓇᕐᒥᔪᖅ ᐱᔪᓐᓇᕐᓂᕐᒥ ᑮᓇᐅᔭᒃᓴᓂᑦ ᐱᓕᕆᐊᖑᔪᓂᑦ, ᐃᓕᓐᓂᐊᕐᓂᕐᒧᑦ ᐱᕕᒃᓴᐅᔪᓂᑦ, ᐊᒻᒪᓗ ᐊᔪᖏᓐᓂᕐᒥ−ᓴᖅᑭᑎᑦᑎᓂᕐᒥ ᐊᑐᖅᑕᐅᔪᓐᓇᖅᑐᓂ ᐃᑲᔪᖅᓱᐃᔪᓂ ᓄᓇᕗᒻᒥ ᓄᓇᓕᖕᓂ ᓯᕗᓂᒃᓴᖏᓐᓄᑦ ᑲᑐᔾᔨᖃᑎᒌᖏᓐᓂ ᐱᐅᓂᖅᓴᒥ ᐱᔨᔅᓯᕋᖁᓪᓗᒋᑦ ᓇᖕᒥᓂᖃᖅᑎᐅᔪᑦ, ᓇᖕᒥᓂᐅᔪᑦ, ᐊᒻᒪᓗ ᓄᓇᓕᖕᓂ.
ᑲᑎᙵᓪᓗᑎᒃ, ᑖᒃᑯᐊ ᐱᓕᕆᖃᑎᒌᒃᑐᑦ ᓴᙱᒃᑎᒋᐊᖅᑎᑦᑎᔪᑦ ᐅᕙᒍᑦ ᐃᑲᔪᖅᓱᐃᔪᓐᓇᓂᕆᔭᖓᓂ ᓇᖕᒥᓂᐅᔪᓂᑦ, ᐱᕈᖅᑎᑦᑎᓂᕐᒥ ᓄᓇᓕᖕᓂ ᐊᔪᖏᓐᓂᐅᔪᓂ, ᐊᒻᒪᓗ ᐃᑲᔪᖅᓱᐃᓂᕐᒥ ᒪᑭᑕᔪᓐᓇᑐᒥ ᐱᕈᖅᐸᓪᓕᐊᓂᕐᒥ ᓄᓇᕗᓕᒫᒥ.
ᓄᓇᓕᖕᓂᑦ−ᑐᙵᕕᑎᒍᑦ ᑐᕌᒐᕆᔭᐅᔪᖅ
ᓄᓇᓕᖕᓂ ᓯᕗᓂᒃᓴᖏᓐᓄᑦ ᑲᑐᔾᔨᖃᑎᒌᖏᑦ ᓴᓇᓯᒪᔪᑦ ᐅᒃᐱᕈᓱᖕᓂᖃᖅᖢᑎᒃ ᐱᕙᓪᓕᐊᔪᓕᕆᓂᕐᒧᑦ ᐱᕈᖅᐸᓪᓕᐊᓂᖅ ᐱᓕᕆᑦᑎᐊᕐᓂᖅᐹᖑᔪᖅ ᓄᓇᓕᖕᒥᐅᑕᓂ ᐱᓕᕆᐊᕆᔭᐅᑎᓪᓗᒍ.
ᓄᓇᕗᓕᒫᒥ, ᑖᓐᓇ ᑐᑭᖃᖅᑐᖅ ᐃᒪᓐᓇ:
ᐃᑲᔪᖅᓱᐃᓂᕐᒥ ᐃᓄᐃᑦ−ᓯᕗᓕᖅᑕᖏᓐᓂ ᓇᖕᒥᓂᐅᔪᓂ ᐊᒻᒪᓗ ᓇᖕᒥᓂᖃᖅᑎᐅᔪᓂ
ᐃᒃᐱᒍᓱᑦᑎᐊᕐᓂᕐᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ
ᓄᓇᓕᖕᓂ ᐊᔪᖏᓐᓂᐅᔪᓂ ᐊᒻᒪᓗ ᐱᓕᕆᔪᓐᓇᕐᓂᐅᔪᓂ ᐱᕈᖅᐸᓪᓕᐊᑎᑦᑎᓂᕐᒥ
